काठमान्डौ कात्तिक २४ ।
चौथो प्रधानसेनापति अन्तराष्टिय महिला फुटवल प्रतियोगिताको उपाधि भिडन्त आज हुदै छ । उपाधिका लागि विभागिय टोली एपिएफ र मध्यमान्चल विच प्रतिस्पर्धा हुनेछ ।
मध्यमाञ्चलले आयोजनक आर्मी क्लबलाई टाइब्रेकरमा हराउदै फाइनलको यात्रा तय गरेको हो भने एपिएफले अर्काे विभागिय टोलि पुलिसलाई हराउदै मध्यमाञ्चालसँगको भिडन्त पक्का गरेको हो ।
सो प्रतियोगिता लगनखेलस्थित नेपाली सेनाको सैनिक शारीरिक तालिम तथा खेलकुद केन्द्रको फुटबल मैदानमा हुनेछ ।
प्रतियोगिताको उपाधि बिजेताले नगद ३ लाख पुरस्कार पाउनेछ भने उपबिजेता टोलीले १ लाख ५० हजार पुरस्कार पाउनेछ । अन्य दुई सेमिफाइन लिष्ट टोलीले पनि पचास पचास हजार पुरस्कार पाउनेछन् ।
यस्तै प्रतियोगिताको सर्वोत्कृष्ट खेलाडीले एक स्कुटर, उत्कृष्ट गोलरक्षक, डिफेण्डर, मिडफिल्डर, स्ट्राइकर र उत्कृष्ट प्रशिक्षकले जनही ५० हजार पुरस्कार पाउनेछन् ।
