एजेन्सी कात्तिक १४ ।
इंग्लिस प्रिमियर लिग अन्तर्गतको गएराति भएको खेलमा लिभरपुलले क्रिष्टल प्यालेसलाई ४–२ को गोल अन्तरले पराजित गरेको छ । हरायो ।
लिभरपुलको जितमा एमरी क्यान, डिजेन लोभरेन, जोएल म्याटिप र रोबर्टो फिरमिनोले एक एक गोल गरे । क्रिष्टल प्यालेसका जेम्स म्याकअथरले दुई गोल गरे । १६ औं मिनेटमा क्यानले गोल गर्दै लिभरपुलाई सुरुवाति अग्रता दिलाए । त्यसको दुई मिनेटपछि म्याकअथरले क्रिष्टल प्यालेसका लागि बराबरी गोल फर्काए ।
२१ औं मिनेटमा लोभरेनले गोल गर्दै अग्रता २–१ मा र्पुयाए । तर ३३ औं मिनेटमा प्यालेसका म्याकअथरले व्यक्तिगत दोस्रो गोल गरेपछि खेल २–२ को बराबरीमा पुग्यो । तर ४४ औं मिनेटमा म्याटिपले गोल गरेपछि पहिलो हाफमा लिभरपुलले ३–२ को अग्रता लियो ।
७१ औं मिनेटमा फिरमिनोले गोल गर्दै लिभरपुललाई ४–२ को जित दिलाए । जितपछि १० खेलबाट २३ अंक जोडेको लिभरपुल तेस्रो स्थानमा छ । समान २३ अंक नै भएपनि गोल अन्तरका आधारमा लिभरपुल म्यानचेस्टर सिटी र आर्सनल भन्दा पछि परेको हो । १० खेलबाट ११ अंक जोडेको क्रिष्टल प्यालेस १२ औं स्थानमा छ ।
