काठमाण्डौ, १० कार्तिक।
भौतिक पूर्वाधार र यातायातमन्त्री रमेश लेखकले मधेशी तथा जनजातिहरुको माग संबोधनका लागी सरकार क्रियासिल रहेको बताउनुभएको छ ।
नेपाल प्रेस युनियन उदयपुरले आज गाईघाटमा आयोजना गरेको पत्रकार सम्मेलनमा बोल्दै उहाले संविधान संशोधन र कार्यान्वयनका लागि सरकार प्रतिबद्ध रहेको बताउनुभयो ।
असन्तुष्ठ पक्षको माग संबोधनका लागी सरकारले गृहकार्य गरिरहेको भन्दै उहाले अबको केहि हप्तामा काम सकिने बताउनु भयो ।
सरकारको मुख्य प्राथमिकता भनेको नै संविधान संशोधन गरी यसलाई सर्वस्वीकार्य बनाउने रहेको उहाको भनाई छ ।
उहाँले संविधान संशोधनका लागि प्रमुख तीन दल र साना दलसमेतको सहभागितामा पटक–पटक छलफल भएको र सबैको सहमतिमा नै यो कार्य पूरा हुने विश्वास व्यक्त गर्नुभयो ।
नेपाली कांग्रेसका केन्द्रीय सदस्यसमेत रहनुभएका मन्त्री लेखकले अख्तियार प्रमुख कार्की्विरुद्ध संसदमा दर्ता भएको महाभियोगका विषयमा कांग्रेसले आवश्यक प्रक्रिया र्पुयाएरमात्र निर्णय गर्ने बताउनुभयो ।
