काठमाण्डौ ,१० कार्तिक ।
नवोदित गायक समिर लिम्बुको सुमधुर स्वरमा मर्मस्पर्सि गीत ‘ तिम्रो नाउँको ’ बजारमा आएको छ ।
आशिस मगरको शब्द तथा रबि लामाको संगितमा भरीएको यो आधुनिक गितको म्युजिक भिडियो देश प्रदेश म्युजिक प्रा.लिले बजारमा ल्याएको हो ।
म्यजिक भिडियोमा मोडेल रेसु श्रेष्ठ र रमन राईले अभिनय गरेका छन् । यो तिले एउटा अधुरो प्रेमलाई उजागर गर्ने काम गरेको छ ।
गायक लिम्बु भन्छन् , यो गितले कलाकारीता क्षेत्रमा रहेका दुई युवा युवतीबीचको प्रेम र बिछोडको मार्मिक कथालाई उतार्ने काम गरेको छ ।
प्रेमिकाको निधनपछि दुखित बनेको युवाले उनको डायरीमा लेखिएका मर्मस्पर्सि भावना अनी प्रेमपूर्ण शब्दहरु देखेपछि अझै वियोगमा तड्पिएर संगितको सहारा लिएको बिषयलाई समेटेकाले यो गित श्रोतामाझ लोकप्रिय हुने लिम्बुको प्रतिक्रिया छ ।
‘ तिम्रो नाउँको ’ गितमा नै पहिलोपटक स्वर दिएका उनले यो गीत लगत्तै अन्य दुई गीत पनि बजारमा ल्याउने तरखरमा रहेको बताए ।
धनकुटामा जन्मिएर काठमाण्डौलाई कर्मथलो बनाउदै आएका नवोदित गायक लिम्बुले कलाकारीता क्षेत्रमा नै अबको जीवन बिताउने मिर्मिरे अनलाईनसँग प्रतिक्रिया दिए ।
स्टेज प्रोगामबाट यो क्षेत्रमा प्रवेश गरेका गायक लिम्बुले देश भित्र मात्र नभएर बिदेशी भूमिमा पनि आफ्नो प्रस्तुती देखाईसकेका छन् । उनी मलेसियाको बिभिन्न स्थानमा स्टेज प्रोगामहरुमा धेरै पटक सहभागी पनि भएका छन् ।
श्रोताको प्रतिक्रिया र माया पाए आफुले यस क्षेत्रमा छुट्टै पहिचान बनाएर आफ्नो कला र गला दिईरहने उनी बताउछन् । नवोदित गायक लिम्बुलाई हाम्रो पनि शुभकामना ।
