कार्तिक ९ काठमाण्डौं । निलम्वित अख्तियार प्रमुख लोकमान सिंह कार्कीले प्रधानमन्त्री प्रचण्ड र एमाले अध्यक्ष केपी शर्मा ओली एवं एमालेका अन्य नेताहरु र केही सभासदहरुलाई भ्रष्टाचारका विभिन्न विषयमा अनुसन्धान गर्न कर्मचारी खटाएको खुलेको छ ।
कार्कीले सानो माछा मात्र समात्ने भनेर आलोचना भईरहेका बेला प्रचण्ड देखि ओली सम्मका नेताहरुलाई नजिकबाट नियाल्न केही अनुसन्धान अधिकृत परिचालन गरेको उच्च स्रोतले जानकारी दियो ।
अब नेताहरुलाई पनि लोकमानले फसाउन सक्छन् भन्ने भए पछि उनलाई नै फसाईएको स्रोतको दावी छ ।
कार्कीले अब पत्र काट्न सक्छन् भन्ने सुईको पाएकै कारण हतार हतार महाअभियोग पेश भएको सुत्रको दावी छ । यद्यपि, स्रोतले विस्तृत विवरण दिन चाहेन ।
यसैबीच लोकमान सिंक कार्कीले नियुक्त गरेका आफ्नै छोरी सहित कर्मचारीहरुको टिमलाई नै आज अख्तियारबाट हटाईएको छ ।
महाअभियोग प्रस्ताव पेश भए पछि पनि आफ्नो सचिवालय मार्फत फाईल हेरिरहेको र सूचना लिने र निर्देशन दिने काम गरेको सार्वजनिक भए पछि उनीहरुलाई आजैबाट लागू हुने गरी हटाउनुका साथै उनीहरुको सचिवालय समेत बन्द गराईएको छ ।
त्यसरी हटाईनेमा लोकमान सिंह कार्कीकी छोरी स्वास्य विषेशज्ञ आध्या श्री,कानुनी सल्लाहकार कोमल प्रसाद घिमिरे,भानुभक्त पोखरेल बालचन्द्र आचार्य,करुणाकर मल्लिक,अनुसन्धान विज्ञ माधब खत्री,भरत शर्मा गोवर्धन श्रेष्ठ,केशब खरेल, भूमिसुधार विज्ञ हुपेन्द्रमणि केसी , अर्थ विज्ञ रामहरी अर्याल,संचार विज्ञ शरद अधिकारी रहेका छन् ।
अख्तियारका कार्यबाहक प्रमुख आयुक्त दिप बस्न्यातले सम्हाले पछि निलम्बित कार्कीकोको सचिवालयको काम गर्ने टिमलाई हटाईएको हो ।
उनीहरुलाई दिईएको कार्यलय र सबै कागजात समेत नियन्त्रणमा लिईएको अख्तियार प्रवक्ता गणेश कार्कीले बताउनु भयो ।
