काठमाडौ ,९ कार्तिक ।
परराष्ट्रमन्त्री एवम् नेपाली कांग्रेसका नेता प्रकाशशरण महतले अख्तियार प्रमुख लोकमानसिंह कार्की्विरुद्ध संसदमा दर्ता भएको महाअभियोग प्रस्तावबारे निर्णय गर्न आफूहरुलाई हतारो नरहेको बताउनु भएको छ ।
समय आएपछि त्यस सम्बन्धमा कांग्रेसले निर्णय लिने बताउनु भएपनि उहाँले प्रस्तावको पक्षमा निर्णय आउँछ कि विपक्षमा भन्ने विषय भने खलाउनु भएन ।
नुवाकोट काठमाडौं पत्रकार समाजले दशैं, तिहार, नेपाल संवत तथा छठ पर्वका अवसरमा आज राजधानीमा आयोजना गरेको चियापान कार्यक्रममा बोल्दै उहाँले कार्कीका सम्बन्धमा निर्णय गर्ने दिन आइनसकेको बताउनु भयो ।
महाअभियोग प्रक्रिया लामो हुने भएकाले फुर्सदमा निर्णय गर्दा पनि फरक नपर्ने उहाले तर्क गर्नुभयो । डा. महतले महाअभियोगको विषयले संविधान कार्यान्यवन जस्तो महत्वपूर्ण विषय ओझेलमा पर्न नहुने धारणा समेत राख्नुभयो ।
