एजेन्सी कात्तिक ७। स्पेनिस ला लिगा अन्तर्गत गएराति भएको खेलमा बार्सिलोनाले भ्यालेन्सियालाई पराजित गरेको छ । बार्सिलोनाले भ्यालेन्सियालाई ३ – २ गोलले पराजित गर्दै ला लिगामा शीर्ष स्थानमा उक्लिएको छ ।
बार्सिलोनाको लागि इन्जुरी समयमा पाएको पेनाल्टीमा लियोनल मेस्सीले गरेको गोल निर्णायक बन्यो । मेस्सीले दुई तथा लुइस स्वारेजले एक गोल गर्दै बार्सिलोनालाई जित दिलाएका हुन ।
भ्यालेन्सियाका लागि मुनिर एल हाड्डाडीले ५२ औं मिनेटमा र रोड्रिगोले ५६ औं मिनेटमा एक एक गोल गरे । जितपछि शीर्ष स्थानमा उक्लिएको बार्सिलोनाको १ खेलबाट १९ अंक भएको छ । एक खेल कम खेलेका दोस्रो र तेस्रो स्थानका एथ्लेटिको मड्रिड र रियल मड्रिडको १८ अंक छ ।
यस्तै गएराति नै भएको अर्काे खेलमा रियल सोसिडाडले अलाभेसलाई ३–० ले पराजित गरेको छ भने इस्पानियोल र एइबरले ३–३ तथा ग्रनाडा र स्पोर्टिङ गिजोनले गोलरहित बराबरी खेल्दै अंक बाँडेका छन् ।
