काठमाण्डौ ,५ कार्तिक ।
अख्तियार प्रमुख लोकमानसिंह कार्कीबिरुद्धको महाअभियोग प्रस्तावबारे छलफल गर्न भन्दै नेपाली काग्रेसले केन्द्रि समिति बैठक स्थगित गरेको छ ।
सभापति शेरबहादुर देउवाले लोकमानसिंह कार्कीबारे नेकपा एमाले र नेकपा माओवादी केन्द्रसँग छलफल गर्न भन्दै केन्द्रीय कार्य समिति बैठक आगामी सोमवारसम्मका लागि स्थगित गर्नुभक्एो हो ।
विहीबारबाट शुरु भएको केन्द्रीय समिति बैठकमा लोकमानविरुद्ध संसद् सचिवालयमा दर्ता भएको महाअभियोग प्रस्तावबारे वक्ताहरुले धारणा राख्दै आएका थिए । तर, सभापतिले अन्य पार्टीसँग छलफल गर्ने भन्दै बैठक स्थगित गर्नुभएको जनाईएके छ ।
महाअभियोग प्रस्तावबारे कांग्रेसले केन्द्रीय समितिबाट निर्णय गराउने जनाएपनि संसद बैठकको भोलीपल्ट सम्म बैठक स्थगित गरेको छ ।
आइतवार संसद् बैठक बोलाईएपनि कांग्रेसले सोमवारसम्मका लागि बैठक स्थगित गरेको छ।
