नेकपा (माओवादी केन्द्र) र नेकपा माओवादी (विद्रोही) बीचको एकता सभालाई आज सम्बोधन गर्दै प्रचण्डले बिभिाजित हुदा माओवादी आन्दोलन कमजोर बनेकाले बिगतको समिक्षा सहित एकतावद्ध हुन थालेको बताउनु भयो ।

प्रचण्डले भन्नुभयो, हामि बिभाजित हुदा माओवादी आन्दोलन कमजोर बन्नुका साथै राष्ट्रका युगान्तकारी एजेण्डाहरु पनि कमजोर बने । त्यसैले एकता र ध्रुवीकरणमार्फत् हामिले शक्ति सञ्चय गरिरहेका छौं ।’

नेपालमा राजनीतिक परिवर्तनहरु दिगो नहुँदै राजनीतिक पार्टीहरुमा बिचलन आउने गरेको उहाको भनाई छ ।

नेपालमा भएका ठूलठूला बलिदानबाट प्राप्त उपलब्धी संस्थागत नहुदै राजनीतिक पार्टीहरुमा विभाजन र स्खलनहरु देखिएको भन्दै उहाले माओवादी त्यसलाई छिचोल्दै अघि बढ्ने अभियानमा रहेको बताउनु भयो ।

प्रचण्डले माओवादी आन्दोलनलाई पहिलो शक्तिको रुपमा स्थापित गर्ने र राष्ट्रलाई निकास दिने जिम्मेवारी आफ्नो काँधमा रहेको पनि चर्चा गर्नुभयो ।

उहाले भन्नुभयो ,विगतमा आन्तरिक राष्ट्रियतालाई उपेक्षा गर्ने प्रवृत्तिले देश नै बिखण्डन हुने त होइन ? भन्ने जोखिम निम्तियो, त्यसको समाधान दिनु पनि मेरै जिम्मेवारी हो । त्यसैले मलाई माओवादी आन्दोलन र सिङ्गो राष्ट्रको निकासका लागि गहिरो जिम्मेवारीबोध छ ।’