काठमान्डौ ,१ कार्तिक।
शिक्षामन्त्री धनीराम पौडेलले त्रिभुवन विश्वविद्यालय र कृषि तथा वन विज्ञान विश्वविद्यालयका बीचमा रहेको विवाद छिट्टै टुङ्गिने दाबी गर्नुभएको छ ।
प्रेस सेन्टर चितवनले आज आयोजना गरेको पत्रकार सम्मेलनमा बोल्दै मन्त्री पौडेलले दुवै विश्वविद्यालयलाई एकै ठाउँमा सञ्चालन गर्न सकिने विषयमा अध्ययन भइरहेको पनि जानकारी गराउनु भयो ।
त्रिभुवन विश्वविद्यालयले स्वामित्व हस्तान्तरण गर्ने वा दुवै विश्वविद्यालय एकै ठाउँमा सञ्चालन गर्ने भन्ने विषयमा समेत छलफल भइरहेको मन्त्री पौडेलले बताउनुभयो ।
यस वर्ष त्रिभुवन विश्वविद्यालयले रामपुरमा भर्ना लिने जनाएपछि दुई विश्वविद्यालयका बीचमा विवाद अझै चुलिदै गएको छ ।
यस्तै उहाले आउँदो शैक्षिक सत्रमा समयमै विद्यार्थी समक्ष पुस्तक पु¥याउने गरी काम भइरहेको बताउनुभयो ।
विगतमा सरकारको गठन, विघटन, पुस्तक रंगिन बनाउने र कोर्ष परिवर्तनका कारण किताब छाप्न ढिलो भएको भन्दै उहाँले यस वर्ष ढिलो नहुने दावी गर्नु भयो ।
