असोज २६ काठमाण्डौं । दशैं भन्ने वित्तिकै लत्ताकपडा खाद्यन्न र मासुको विक्री उच्च हुने गर्दछ । खसी बोकाको ठूलो व्यापार भएको पनि हामीले सुनेकै छौं । तर सुन्धारामा दशमीको दिन ठूलै संख्यामा लोकल कुखुरा बेचिरहेको भेटिए सोम बहादुर तामाङ ।
अरु बेला आफैले कमाएर कुदाउन थालेको माल बाहक गाडी चलाउने सोम बहादुरले सुन्धाराको आकाशे पुल छेउमा दशैं शुरु हुनासाथ कुखुराहरु ठूला ठूला पेरुङगो ( बासको चोयाले बुनिएको कुखुरा राख्ने ठाउ ) राखेर टिकाको दिन सम्म करीब एक हजार भालेपोथी कुखुराहरु बेचेको बताएका छन् ।
उनले सरदरमा एउटा कुखुरा १ हजार देखि ३ हजार सम्ममा पनि बेचेको बताएका छन् । अब ५० वटा जति बाकी होला त्यो पनि आजै बिकी सक्दा सोम बहादुरले मिर्मिरेसग‘ भने । उनले पुरानो घर काभ्रे रहेको र अहिले चाहविलमा बस्ने बताउदै घरमा पनि आफूले पालेको र अरुकोबाट पनि ल्याएर बेचेकाले जम्मा चार लाख जति नाफा कमाएको बताएका छन् ।
एक कुखुरा बराबर सय देखि २ सय सम्म नाफा राखेर बेचेको उनले बताए । करीब २८ वर्षको उमेरदेखि उनले दशैमा काठमाण्डौंमा कुखुरा बेच्दै आएको बताएका छन् । आखिर काम गरेर खानेलाई केहीले छेक्दैन, उनले साझ परे पछि ठेलामा मःम सहितका खाजा समेत बेच्ने गरेको बताएका छन् ।
