काठमाडौं, असोज २१ ।
सहरी विकास मन्त्री अर्जुनरसिंह केसीले एक महिना भित्र संबिधान संोधन गरि मधेसी मोर्चा सहित असन्तुष्ठ पक्षको माग सम्बोधन गरिने बताउनु भएको छ ।
राजधानीमा आज आयोजित साक्षात्कारमा मन्त्री केसीले दशै लगत्तै संविधान संशोधन प्रक्रिया अघि बढाउने तयारी भैसकेको बताउनुभयो ।
दशैं सकिएको १५ दिनदेखि एक महिनाभित्रै संसोधन प्रस्ताव सदनमा प्रस्तुत हुने उहाको भनाई छ ।
प्रमुख प्रतिपक्षी नेकपा एमालेले पनि संविधान संशोधनमा सहमती जनाउनेमा आफूहरु विश्वस्त रहेको भन्दै केसीले संविधानलाई सर्वस्वीकार्य बनाउनु प्रमुख दलहरुको महत्वपूर्ण जिम्मेवारी रहेको बताउनुभयो ।
संविधानलाई लिएर असन्तुष्टि पोख्ने दलहरुको मागलाई समेत सम्बोधन गर्ने उद्देश्यले सरकारले द्रुत गतिमा काम गरिरहेको जानकारी दिनुभयो ।
केसीले संविधान कार्यान्वयनतर्फ दलहरु गम्भीर नबने प्राप्त उपलब्धी गुम्ने खतरा रहेको भन्दै दलगत स्वार्थ र कुनैपनि आग्रह पूर्वाग्रहभन्दा माथि उठेर संविधान कार्यान्वयन गर्न सबै दल लाग्नुपर्नेमा जोड दिनुभयो ।
