काठमाडौं, असोज १४ ।
प्रधानमन्त्री पुष्पकमल दाहाल र बंगलादेशको पार्लियामेन्टरी स्ट्याण्डिङ् कमिटीकी सभापति तथा पूर्व परराष्ट्र मन्त्री डा. दिपु मुनीबीच आज भेटवार्ता भएको छ ।
आज भएके भेटमा पूर्व परराष्ट्र मन्त्री मुनीले प्रधानमन्त्री दाहाललाई बंगलादेश भ्रमणको निमन्त्रणा हस्तान्तरण गर्नुभयो ।
डा. दिपुले प्रधानमन्त्री दाहाललाई २२ अक्टोवरमा हुने बंगलादेश अवामी लिग पार्टीको राष्ट्रिय सम्मेलनमा आतिथ्यताको निम्तो दिनुभएको हो ।
साथै उहाले नेपाल र बंगलादेश बीचको सम्बन्ध मैत्रीपूर्ण रहेको बताउँदै आगामी दिनमा सहकार्यलाई अझ मजबूत बनाउनुपर्ने धारणा राख्नुभएको थियो ।
जवाफमा प्रधानमन्त्री दाहालले नेपाल र बंगलादेश बीचको सम्बन्ध पुरानो र ऐतिहासिक रहेको भन्दै साझा मुद्धा र चुनौतिको मिलेर सामना गर्नुपर्ने बताउनु भयो ।
प्रधानमन्त्री दाहालले नेपाल राजनीतिक संक्रमणको अन्त्य गरी आर्थिक समृद्धि र विकासको चरणमा प्रवेश गर्न लागेको जानकारी पनि गराउनु भयो ।
