काठमान्डौ, असोज ५।
भारतका लागि प्रस्तावित राजदूत दीपकुमार उपाध्याय विरुद्ध संसदीय सुनुवाई विशेष समितिमा तीन वटा उजुरी परेको छ ।
आज बसेको सुनुवाई समितिको बैठकले उजुरीहरु अध्ययनका लागि सदस्यहरुलाई वितरण गरिएको छ । सो उजुरीहरुको आगामी १२ गते सुनुवाई गर्न तयारी भएको सुनुवाई समितिले जनाएको छ ।
सरकार ढाल्न सक्रिय भएको लगायतका आरोप लगाएर केपी शर्मा ओली नेतृत्वको अघिल्लो सरकारले उपाध्यायलाई फिर्ता बोलाएको थियो ।
तर, कांग्रेसको समर्थनमा बनेको प्रचण्ड नेतृत्वको नयाँ सरकारले पूर्वमन्त्री समेत रहेका उपाध्यायलाई फेरि भारतकै लागि राजदूतमा सिफारिस गरेको छ । जसको एमालेले विरोध गर्दै आएको छ ।
समितिमा चीनका लागि प्रस्तावित राजदूत लीलामणि पौडेलविरुद्ध भने लिखित उजुरी परेको छैन ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
