काठमाण्डौ, २८ भदौ ।
नवगायक खगेन्द्र साउँद हालै एउटा मर्मस्पर्शि भावसहितको गीतका साथमा नेपाली साङगितिक क्षेत्रमा देखापरेका छन् ।
डबल बमको शब्द रचना, रोशन गुरुङको संगीतमा उनले “तिमी बिना मर्छु होला” बोलको गीत बजारमा ल्याएका हुन् । यस गीतमा संगीत संयोजन फणिन्द्र राईको रहेको छ ।
एकल गीती एल्बमको तयारीमा रहेका सुरिलो आवाजका धनी नवगायक खगेन्द्र प्राय सबै प्रकारका गीत संगीत सुन्न र गाउन रुचाउँछन् । बिशेषगरि सुगम संगीतमा आफ्नो लगाव रहेको उनको भनाई छ ।
कैलालीको टीकापुर, ९का स्थायी बासिन्दा उनले हाल काठमाण्डौ कालीमाटिस्थित जुबिलेन्ट कलेजको बिज्ञान बिभाग प्रमुखको जिम्मेवारी समेत सम्हालेका छन् भने सोही कलेजमा ३ बर्षदेखि भौतिक बिज्ञान बिषयको अध्यापन गर्दै आईरहेका छन् ।
संगीतमा सानैदेखि अभिरुचि भएका खगेन्द्रले संगीत बिषय लिएर अध्ययन गर्ने सोच बनाए पनि बिज्ञान बिषय नै लिएर पढ्नुपर्छ भन्ने परिवारको सुझावलाई नकार्न सकेनन् । यद्धपी अध्ययनपछिको खाली समय भने संगीतमै बिताएको उनको भनाई छ ।
आफ्नो प्रेरणाको स्रोतको रुपमा कैलालीका पत्रकार दिपेन्द्र भण्डारी र हरि रेग्मिको नाम लिन्छन् । पछिल्लो पटक जुबिलेन्ट कलेजका प्रिन्सिपल ऋषि न्यौपानेको हौसलाले आफुलाई सांगितीक क्षेत्रमा अघि बढ्न थप उर्जा प्राप्त भएको उनले बताए ।
उसो त आफ्ना सहकर्मि शिक्षक तथा बिद्यार्थी र साथीहरुले पनि आफुलाई दिएको हौसला भुल्न नसक्ने गायक बताउँछन । मिर्मिरे अनलाईनसंगको कुराकानीका क्रममा यस गीतको भिडियो यसै साता दर्शक तथा स्रोताहरुले हेर्न र सुन्न सक्ने उनले बताए ।
यस्तै आफ्नो पहिलो गीतमा भएको कमी कमजोरी औल्याईदिन पनि अग्रजसंग उनको आग्रह छ । नवगायक खगेन्द्रको आगामी साङगितीक यात्रा निरन्तर अघि बढोस् हाम्रो पनि शुभकामना ।
