काठमाडौ २० भदौ ।
व्यवस्थापिका संसदको बैठक आज बस्दैछ । नयाँ बानेश्वरस्थित संसद भवनमा बस्ने बैठकमा विभिन्न मन्त्रालयगत विधेयकहरु पेश गर्ने कार्यसुची रहेको संसद सचिवालयले जनाएको छ ।
आजको बैठकमा कानुनमन्त्री अजयशंकर नायकले सर्वोच्च अदालत पहिलो संशोधन विधेयक र वन तथा भू संरक्षण मन्त्री शंकर भण्डारीले संकटजन्य वन्यजन्तु तथा वनस्पतिको अन्तर्राष्ट्रिय नियन्त्रणका साथै वनस्पति ऐन सम्बन्धी विधेयक प्रस्तुत गर्नुहुने संसदका सहयक प्रवत्ता सुदर्शन कुँइकेलले जानकारी दिनुभयो ।
यसैगरी माओवादी केन्द्रका सांसद प्रभू शाहले ग्रामिण क्षेत्रमा वित्तिय पहुँच तत्काल पुर्याइयोस् भन्ने सम्बन्धी सार्वजनिक महत्वको प्रस्ताव बैठकमा पेश गर्ने तयारी भएको संसद सचिवालयले जनाएको छ ।
सरकारले चालु आर्थिक वर्षको बजेटमा ग्रामिण भेगमा समेत वित्तिय पहुँच पुर्याउने घोषणा गरेको थियो ।
