काठमाडौ १९ भदौ ।
अविरल वर्षासँगै खसेको पहिरोमा पुरिएर स्याङ्जाको क्वारेभन्ज्याङ गाविस ७ उपल्लो ताप्केमा चार जनाको मृत्यु भएको छ ।
आज बिहान करिब २ बजेतिर पहिरो खस्दा स्थानीय ७८ बर्षिया चन्द्रकला सारु मगर, सहित उनको घरमा तिज मनाउन गएका मल्याङ्गकोट ८ दार्सिङकी ३२ बर्षिया हुमकुमारी मस्याङदी, उनकी छोरी ७ बर्षिया पुनम र ६ बर्षिय छोरा सुजनको मृत्यु भएको प्रहरीले जनाएको छ ।
घटनास्थलमा अहिले प्रहरी र स्थानीयबासीको सहयोगमा उद्धार कार्य जारी रहको स्याङ्जा प्रहरीले जनाएको छ । उता, महोत्तरीमा छुट्टा छुट्टै दुई स्थानमा खोलामा बगेर २ जनाको मृत्यु भएको छ ।
स्थानीय रातु नदीले बगाउँदा पशुपतिनगर ६ की ५० बर्षिया सावित्री महराको मृत्यु भएको हो । यस्तै मडाह खोलाले बगाउँदा बर्दिवास नगरपालिका १२ बर्डाडाँका ७ बर्षिय बालक मानब बुलनको मृत्यु भएको प्रहरी नायब उपरिक्षक शालिकराम शर्माले जानकारी दिनुभयो ।
