काठमाडौ १९ भदौ ।
अविरल वर्षासँगै खसेको पहिरोले अवरुद्ध मेची राजमार्गको ताप्लेजुङ–पाँचथर सडक खण्ड खुल्न अझै केहि दिन लाग्ने भएको छ ।
पहिरोले करिब एक किलोमिटर सडक पुरै बगाएको र नयाँ ट्रयाक खोल्नुपर्ने भएकाले सडक पूर्णरुपमा सुचारु हुन अझै केहि दिन लाग्ने ताप्लेजुङका प्रमुख जिल्ला अधिकारी चक्रपाणी पाण्डेले बताउनु भयो ।
सदरमुकामदेखि पाँच किलोमिटर दुरीमा रहेको बहानन्दे सम्मको बाटो सफा गरिएपनि र त्यस भन्दा मुनिको भागमा ठूलो पहिरोले सडकनै बगाएकाले सडक पूर्ण रुपमा सुचारु हुन अझै केही दिन लाग्ने प्रमुख जिल्ला अधिकारी पाण्डेले बताउनु भयो ।
जिल्लामा साना स्काभेटर मात्र रहेकोले ठूलो स्काभेटर जिल्ला बाहिरबाट ल्याउनुपर्ने भएकाले सडक खोल्न केहि दिन लाग्ने भएकाले सडक सुचारु हुन ढिलाई हुने भएको हो । आज साँझसम्म स्काभेटर आइपुग्ने र भोलीदेखि बिहान देखि पहिरो हटाउने काम सुरु हुने सडक डिभिजन कार्यालयले जनाएको छ ।
सडक अबरुद्धहुँदा ताप्लेजुङबाट पाँचथरहुँदै इलाम, झापा साथै देशका विभिन्न स्थानमा जाने यात्रुहरु अलपत्र परेका छन् । गएराति देखि वर्षा कम भएको र विहान देखि मौषममा सुधार आएकाले पहिरो र्झन भने रोकिएको बताएको छ ।
