१८ भदौ, काठमाडौं ।
काठमाडौं उपत्यका विकास प्राधिकरणले आजदेखि पुन त्रिपुरेश्वरदेखि विष्णुमति पुलसम्मको सडक विस्तार कार्य सुरु गरेको छ ।
विभिन्न बाहनामा विस्तरमा ढिलाइ भइरहेको सो सडकमा प्राधिकरणले आज डोजर लगाएर सडकको दुबैतर्फको ११ ÷११ मिटरभित्र पर्ने भौतिक संरचना भत्काएको छ ।
यसअघि पनि विस्तारका लागि सोहि सडकखण्डमा डोजरले संरचना भत्काउन थालेपछि स्थानियले समय मागेर आफैंले संरचना हटाउने प्रतिवद्धता गरेपछि रोकिएको थियो । तर हालसम्म संरचना यथावत रहेपछि प्राधिकरणले आफै भत्काउन सुरु गरेको हो ।
मुख्य रुपमा दायाँबायाँ ११ मिटर परेका घरका पर्खाल, गेट, वाल, र्भयाङ, छिँडी लगायतका संरचनालाई प्राधिकरणले डोजर लगाएर भत्काएको छ ।
सडक विस्तार गरेर चार लेनको बनाउने सरकारी योजना छ । दायाँबायाँ २ ÷२ मिटरको फुटपाथ पनि निर्माण गरिने काठमाडौं महानगरपालिका नगर प्रहरी प्रमुख धनपति सापकोटाले जानकारी दिनुभयो ।
कालीमाटीदेखि कलंकीसम्मको् सडक विस्तारको काम भने अझै सुरु हुन सकेको छैन । कलंकी थानकोट सडक खण्डको विस्तारमा सर्बोच्चले रोक लगाएपछि त्यो खण्डको विस्तारमा पनि समस्या उत्पन्न भएको छ ।
स्थानीयले विना क्षतिपूर्ति जवरजस्ती सडक विस्तार गरेको भन्दै अदालतमा मुद्धा दायर गरेका थिए । कलंकी ÷त्रिपुरेश्वर खण्डको विस्तार भने २०७४ भित्रै सक्ने लक्ष्य राखिएपनि काम भने दु्रत गतिमा हुन सकेको छैन ।
