काठमाडौ, १६ भदौ ।
द्वन्द्वकालीन मुद्दा निरुपण गर्ने विषयमा प्रधानमन्त्री पुष्पकमल दाहाल प्रचण्डले सरोकारवाला निकायसँग आज छलफल गर्दै हुनुहुन्छ ।
बिहान १० बजे सिंहदरमा हुने बैठकमा वेपत्ता आयोग, कानुनमन्त्री, कानुन सचिव र महान्यायाधिवक्तालाई बोलाउनु भएको हो ।
द्वन्द्वकालीन मुद्दाको सुनुवाइ गर्न अलग्गै विशेष अदालत गठनका विषयमा छलफल गर्न आज प्रधानमन्त्री दाहालले सरोकारवा निकायलाई छलफलका लागि बोलाउनुभएको बताइएको छ ।
आजको बैठकमा बेपत्ता आयोग सम्बन्धी ऐनको संसोधनका साथै आयोगलाई आवश्यक स्रोत साधनका उपलब्ध गराउने विषयमा छलफल हुनेछ ।
बैठकमा बेपत्ता पारिएका व्यक्तिको छानबिन तथा सत्यनिरुपण र मेलमिलाप ऐनको व्यवस्थाअनुसार सम्बद्ध आयोगबाट सिफारिस भएर आउने मुद्दा सुनुवाइ गर्ने प्रक्रिया र अलग्गै अदालत गठन गर्न सकिने सम्भावनाका विषयमा छलफल पनि छलफल हुनेछ ।
आयोगले आवश्यक स्रोत साधन उपलब्ध गराउन र केही ऐन संशोधनका लागि सरकारलाई आग्रह गरेको छ । द्धन्द्धकालमा राज्य र तत्कालिन विद्रोहि पक्षबाट बेपत्ता पारिएका अवस्थाबारे सत्य र तथ्य छानविन गरी सार्वजनिक गर्न कार्यदेश पाएको आयोगले द्धन्द्धकालीलन घटना सम्बन्धी उजुरी संकलन गरिरहेको छ ।
अहिले कै ऐनमा रहेर काम गर्न असहज भएपछि त्यसलाई केही मात्रमा संशोधन गर्न सरकारलाई आयोगले आग्रह गरेको हो ।
