काठमान्डौ ,भदौ १५।
आफूहरुले पाउँदै आएको सेवा सुविधा सरकारले कटौती गरेको भन्दै पूर्व सांसदहरुले प्रधानमन्त्री पुष्पकमल दाहालको ध्यानाकर्षण गराएका छन् ।
आज विहान प्रधानमन्त्री निवास बालुवाटारमा पूर्व सांसद मञ्चका अध्यक्ष ओमकार प्रसाद श्रेष्ठको नेतृत्वमा गएको टोलीले आफूहरुलाई सुविधाबाट वञ्चित गरेर सरकार पूर्वाग्रही भएको गुनासो गरेका हुन् ।
उनीहरुले प्रधानमन्त्री दाहाल समक्ष आफुहरुलाई न्यूनतम सेवा सुविधा उपलव्ध गराई पूर्व सांसदहरुको मर्यादा कायम राख्न आग्रह समेत गरेका छन् ।
नीति निर्माण तह, राज्य पुनर्संरचनालगायतका विषयमा आफूहरुको सुझाव लिन समेत उनीहरुले प्रधानमन्त्रीको ध्यानाकर्षण गराएका छन् ।
जवाफमा प्रधानमन्त्री दाहालले पूर्व सांसदहरुको मर्यादा कायम राख्न आफू सकारात्मक रहेको र यस विषयमा मन्त्रिपरिषद्को बैठकले छिट्टै निर्णय गर्ने आश्वसन दिनु भएको छ ।
दाहालले पूर्व सांसादहरुलाई आफ्नो अनुभव र ज्ञान राज्यको हितमा लगाउन आग्रह गर्नुभएको छ ।
