काठमाडौ १५ भदौ ।
स्थानीय निकाय पुनर संरचनाका सम्बन्धमा प्रधानमन्त्री पुष्पकमल दाहाल प्रचण्डले आज स्थानीय निकाय पुनरसंरचना आयोगका अध्यक्ष बालानन्द पौडेलसँग छलफल गर्नु भएको छ ।
बालुवाटारस्थित प्रधानमन्त्रीको सरकारी निवासमा भएको छलफलमा स्थानीय तह निर्धारण सम्बन्धी आयोगको प्रस्ताव परिमार्जनको सम्बन्धमा छलफल भएको बताइएको छ ।
आयोगले प्रस्ताव गरेको स्थानीय तहको संख्यामा दलहरुबीच मतभेद देखिएपछि प्रधानमन्त्री दाहालले आयोगका अध्यक्ष पौडेलसग छलफल गर्नुु भएको हो ।
छलफलका क्रममा आयोगका अध्यक्ष पौडेलले दलीय सहमतिका आधारमा अघि बढ्ने भन्दै संख्यमा तलमाथि हुन सक्ने बताउनु भएको बालुवाटार स्रोतले जनाएको छ ।
यसअघि आयोगले स्थानीय निकायको संख्य ५ सय ६५ हुनुपर्ने प्रस्ताव गरेको थियो । आयोगको प्रस्तावमा सरकारको प्रमुख घटक नेपाली कांग्रेसले असन्तुष्टी व्यक्त गर्दै आएको छ ।
उसले स्थानीय निकायको संख्य एक हजार पुर्याउनु पर्ने प्रस्ताव अघि सार्दै आएको छ । प्रमुख प्रतिपक्षी दल नेकपा एमालेले भने आयोगले निर्धारण गरेको संखयलाई नै आधार मानेर निर्वाचनमा जानुपर्ने बताएको छ ।
यस्तै संयुक्त लोकतान्त्रिक मधेशी मोर्चाले प्रदेश सिमांकनको विवाद समाधान नभएसम्म स्थानीय निकायको निर्वाचन स्वीकार गर्न नसक्ने बताउनदै आएको छ ।
