काठमाडौ ११ भदौ ।
पश्चिमाञ्चलमा पछिल्ला ३ वर्षमा भएका २ हजार १ सय १४ सवारी दुर्घटनामा १ हजार ४ सय ४९ जनाले ज्यान गुमाएका छन् ।
धेरै दुर्घटना खराब सडक र चालकका कारण हुने गरेको पश्चिम क्षेत्रीय ट्राफिक प्रहरीको अध्ययन प्रतिवेदनले देखाएको छ ।
सडक र सवारी दुवै बढेकाले रोकथामको प्रयास हुँदाहुँदै पनि सवारी दुर्घटना बढेको प्रतिवेदनमा उल्लेख छ । पश्चिमान्चलमा ११ हजार ४ किलोमिटर सडक क्षेत्र रहेको छ ।
सडक क्षमताभन्दा बढी सवारीको चाप तथा सवारी कारबाही नीति कमजोर हुनुले बढी दुर्घटना बढेको अध्ययनमा संलग्न प्रहरी नायब निरीक्षक ज्ञानप्रसाद पाण्डे बताउनुभयो ।
यस्तै प्रतिवेदन अनुसार मध्य क्षेत्रका १६ वटा जिल्लामा आर्थिक वर्ष ७२÷७३ मा भएका दुर्घटनामा ५ सय ८ जनाको मृत्यु भएको छ भने १ हजार ६ सय १८ जना घाइते भएका छन् ।
काठमाडौ उपत्यकाका तीन बाहेक १६ जिल्लामा गत आर्थिक वर्षमा एक हजार ४ सय ५१ वटा सवारी दुर्घटना भएका छन् ।
