काठमाडौ १० भदौ । पूर्वप्रधानमन्त्री तथा नेकपा एमालेका वरिष्ठ नेता झलनाथ खनालले संबिधान कार्यान्वयन नभए एमालेले जस्तोसुकै कदम चाल्न सक्ने चेतावनी दिनुभएको छ ।
सिन्धुलीे सदरमुकाम सिन्धुलीमाडीमा आज सन्चारकर्मीसँग कुरा गर्दै संबिधान कार्यान्वयन अहिलेको प्रमुख आवश्यत्ता रहेकाले कसैले षड्न्त्र गरेर त्यसलार्इै विफल पार्न खोजे एमाले आगो बाल्न पछि नपर्ने नेचावनी दिनुभयो ।
पुष्पकमल दाहाल नेतृत्वको वर्तमान सरकारले संविधान कार्यान्वयन गर्नेमा आशंका रहेको भन्दै खनालले त्यस्तो भए मुलुकका लागी नै दुर्भाग्य सावित हुने बताउनु भयो ।
०७३ माघ ७ गतेसम्म तीनओटै निकायको निर्वाचन नभए संविधान, लोकतन्त्र र स्वतन्त्रता समेत समाप्त हुने उहाको भनाई छ ।
यस्तै एमाले नेता शंकर पोखरेलले संविधान कार्यान्वयनमा प्रमुख दलहरु गम्भीर हुनुपर्नेमा जोड दिनुभएको छ । धनकुटामा आज सन्चारकर्मीसँग कुरा गर्दै उहाले नयाँ संविधानले तोकेअनुरुप वर्तमान सरकारले काम गर्न नसके संवैधानिक जटिलता उत्पन्न हुने भन्दै प्रमुख दलहरु मिल्नुको विकल्प नरहेको बताउनु भयो ।
संविधान संशोधनभन्दा पनि कार्यान्वयनमा जोड दिनुपर्ने पोखरेलको भनाई थियो । उहाले अघिल्लो सरकारले गरेका महत्वपूर्ण सम्झौता कार्यान्वयन गर्न वर्तमान सरकारसँग आग्रह समेत गर्नुभएको छ ।
