काठमाण्डौ ,९ भदौ ।
पूर्वप्रधानमन्त्री तथा नेकमा एमालेका अध्यक्ष केपी शर्मा ओली थाईल्याण्ड जानुभएको छ । नियमित स्वास्थ्य जाँचका लागि आज त्यसतर्फ जानुभएको हो ।
थाइल्यान्ड जानेक्रममा त्रिभुवन अन्तराष्ट्रिय विमानस्थलमा सन्चारकर्मीसँग कुरा गर्दै अध्यक्ष ओलीले संविधान संशोधनभन्दा पनि कार्यान्वयनमा एमालेको जोड रहने स्पस्ट पार्नुभएको छ ।
ओलीले औचित्य बिना संबिधान संशोधन गर्न नसकिने बताउनु भयो ।
उहाले संविधान संशोधनका लागि भइरहेका प्रयासबारे आफूहरु जानकार नरहेको भन्दै अहिलेको सरकारबाट जनताले कुनै आशा गर्ने ठाउँ नरहेको बताउनु भयो ।
अध्यक्ष ओली परीक्षणका क्रममा करिब दुइसाता बैंककमै रहनुहुने बताइएको छ । उहा थाई एयरवेजको विमानमार्फत श्रीमती राधिका शाक्य र भतिजा राजेश बज्राचार्यसहित त्यसतर्फ प्रस्तान गर्नुभएको छ ।
बैंककमा उपचारपछि अध्यक्ष ओली आफ्नो चार दिने भ्रमणको सिलसिलामा इन्डोनेसिया जानु हुने एमाले पार्टी कार्यालयका सचिव कृष्णगोपाल श्रेष्ठले जानकारी दिनु भयो ।
