काठमाडौं, ९ भदौ ।
प्रधानमन्त्री पुष्पकमल दाहालले जनयुद्धका घाइते योद्धाहरुको निशूल्क उपचारको व्यवस्था मिलाउने आश्वासन दिनुभएको छ ।
पूर्व जनमुक्ति सेनाका घाइते, अपाङ्ग योद्धाहरुको टोलीसँग आज भएको भेटमा उहाले जनयुद्धका घाईतेहरु अहिलेपनि उपचार नपाएर समस्यामा परेकोले उनीहरुको उपचारका लागी सरकारले सक्दो सहयोग गर्ने जनाउनु भएके हो ।
साथै जीवन निर्वाह भत्ता वृद्धि गर्न पहल गर्ने तथा राष्ट्रिय परिचय पत्रको व्यवस्था गर्ने पनि प्रतिबद्धता जनाउनु भएको छ ।
प्रधानमन्त्री निवास बालुवाटारमा भएको भेटमा घाइते, अपाङ्ग योद्धाका प्रतिनिधिहरुले आफ्ना समस्याबारे प्रधानमन्त्रीको ध्यानाकर्षण गराएका थिए ।
टोलीले युद्धका घाइतेहरुको अझै उचित उपचार हुन नसकेको, जीवन निर्वाह भत्ता अत्यन्तै न्यून भएको तथा राष्ट्रका लागि योगदान गरेको पहिचान सहितको परिचय पत्रको व्यवस्था नगरिएकोले त्यसको व्यावस्था गरिदिन माग गरेका थिए ।
