काठमाण्डौ ,८ भदौ ।
प्रधानमन्त्री पुष्पकमल दाहालले शिक्षा क्षेत्रको सुधारका लागी सक्दो प्रयास गर्ने बताउनु भएको छ ।
प्रधानमन्त्री निवास बालुवाटारमा आज नेपाल अभिभावक संघ र नेपाल राष्ट्रिय अभिभावक संघको ज्ञापन पत्र बुझ्दै प्रधानमन्त्रीले शैक्षिक क्षेत्रमा ब्यापक सुधारको आवश्यक्ता पनि औल्याउनु भयो ।
अघिभावक संघ र राष्ट्रिय अभिभावक संघका अध्यक्षद्धय सुप्रभात भण्डारी र धर्मदत्त देवकोटाले संयुत्त रुपमा शिक्षा क्षेत्रको सुधारका लागी भन्दै ११ बुँदे माग सहित ज्ञापन पत्र बुझाएका थिए ।
ज्ञापनपत्रमा शिक्षा मन्त्रालयका सचिव, शिक्षा विभागका महानिर्देशक र अनुदान आयोगका पदहरु खाली हुँदा दैनिक कार्यमा समेत असर परेकाले पदपूर्ति गर्नुपर्ने, उच्चस्तरीय शिक्षा आयोग गठन गर्नुपर्ने लगायतका माग छन् ।
प्रधानमन्त्रीसँगको भेटपछि बोल्दै नेपाल अभिभावक संघका अध्यक्ष भण्डारीले दाहालले मागप्रति आफू सकारात्मक भएको भन्दै शिक्षामा सक्दो सुधार गर्ने प्रतिबद्धता व्यक्त गर्नुभएको बताउनु भयो ।
