काठमाण्डौ ,८ भदौ ।
प्रधानमन्त्री पुष्पकमल दाहालले अन्तरजातिय बिबाह पश्चात काभे्रका एक युवाको मृत्यु भएको घटनाका बारेमा छानविन गर्न समिति बनाउन निर्देशन दिनुभएको छ ।
प्रधानमन्त्री दाहालले अन्तरजातीय गृहसचिव नारायण गोपाल मलेगु र प्रहरी महानिरिक्षक उपेन्द्रकान्त अर्याललाई बोलाएर घटनाको निश्पक्ष छानविनका लागी समिति गठन गर्न निर्देशन दिनुभएको हो ।
संयुक्त राजनैतिक दलित संघर्ष समितिले आज सिंहदरवारमा अन्तरजातिय बिबाहकै कारण युवाको मृत्यु भएको भन्दै समिति बनाएर छानविन गर्न माग गरेपछि प्रधानमन्त्रीले मलेगु र अर्याललाई सो निर्देशन दिनुभएको हो ।
दलित अगुवाहरुले काभ्रेका युवा अजित मिजारको हत्या भएको भन्दै छानविन समिति बनाएर सत्य तथ्य पत्ता लगाउन आग्रह गरेका थिए । समितिको ज्ञापनपत्र बुझ्दै उहाले अजितको मृत्यु प्रकरण गम्भिर प्रकृतिको भएकोले यसबारे निश्पक्ष छानबिन गर्ने प्रतिबद्धता जनाउनु भयो ।
