काठमाडौं, भदौ ८ । मुसा तथा जीवजन्तुमा पाईने किर्ना जस्ता स–साना किराको टोकाइबाट लाग्ने स्क्रब टाइफसका विरामी काठमाडौं उपत्यकामा पनि भेटिएको चिकित्सकहरुले बताएका छन् । काठमान्डौ उपत्यकामा एक जनामा स्क्रब टाइफसको विरामी भेटिएको हो ।
स्क्रब टाइफस भएकालाई उच्च ज्वरो आउने भनिए पनि ज्वरो नआएकालाई पनि रोग लागेको टेकु अस्पतालका डा. शेरबहादुर पुनले जानकारी दिनु भयो ।
सामान्य खोकी र बिबिरा आएका बिरामीको रगत जाँच गरेपछि स्क्रब टाइफस भएको पुष्टि भएको हो । फरक फरक लक्षण देखिएका बिरामीमा स्क्रब टाइफस भएको पुष्टि भएकाले यसबाट जोगिन व्यक्ति आफैले सचेतना अपनाउन डा. पुनले आग्रह गर्नु भएको छ ।
खोकी लागे, आँखा रातो भए, ज्वरो आए वा शरीरमा विवारा आए यो रोगको संक्रमण भएको हुन सक्छ । यस्ता लक्षण देखिना साथ उपचारमा गए साधारण औषधिले रोग निको हुने डा. पुनले बताउनु भयो ।
