काठमाण्डौ ,६ भदौ ।
नेपाली काग्रेसले भदौ २४ देखि २६ गतेसम्म कास्कीको पोखरामा हुने भ्रातृ संगठन नेपाल तरुण दलको महाधिवेशन तयारिका लागी निर्देशक समिति गठन गरेको छ ।
बालकृष्ण खाँणको संयोजकत्वमा गठित समितिमा उमाकान्त चौधरी, सुरेन्द्रराज पाण्डे, शंकर भण्डारी, रामकृष्ण यादव, हृदयराम थानी र सरिता प्रसाईं सदस्य रहेका छन् ।
तरुण दलको तदर्थ समितिले चौथो महाधिवेशन भदौ २४ देखि २६ गतेसम्म कास्कीको पोखरामा गर्ने निर्णय गरिसकेको छ ।
तर तरुण दलले हालसम्म ५१ वटा जिल्लामा मात्रै अधिवेशन सकाएको छ ।
त्यस्तै नेपाल महिला संघको महाधिवेशनका लागि एन.पी सावदको संयोजकत्वमा गठित निर्देशन समितिका सदस्यमा नविन्द्रराज जोशी, चन्द्र भण्डारी, कमला पन्त र प्रदीप पौडेल छन् ।
प्रकाशशरण महत संयोजकत्वको नेविसंघ महाधिवेशन केन्द्रीय निर्देशन समितिले ९ बर्षपछि नेबिसंघको नयाँ नेतृत्व चयन गरिसकेको छ ।
