काठमाण्डौ ,५ भदौ ।
विभिन्न राजनीतिक दलका सांसदहरुले यातायात व्यवस्था विभागले अस्थायी रुट परमिटको नाममा यातायात सेवा बन्द गराउदा जनता मारमा परेको भन्दै सरकारको ध्यानाकर्षण गराएका छन् ।
आजको व्यावस्थापिका संसदको बैठकमा बोल्ने अधिकाशं सास्दहरुले सार्वजनिक यातायातमा कायम रहेको सिण्डिकेट प्रणलीको अन्त्य गर्न माग गर्दै विभागको पछिल्लो कदमले जनतामा मारमा परेको तर्फ ध्यानाकर्षण गराएका हुन् ।
सांदहरुले रुट परमिटको विषयलाई लिएर यातायात व्यवस्था विभागले गरेको निर्णयले लाखौं सर्वसाधरणहरु अहिले मारमा परेकाले यस्को तत्काल समाधान गर्न सरकारको ध्यान जानु पर्नेमा जोड दिए ।
उनीहरुले बाढि, पहिरो र भुकम्प पीडितहरुलाई तत्काल राहत उपलब्ध गराउन पनि माग गरेका छन् ।
आजको बैठकमा सांसदहरु अनारकली मियाँ ,अफिलाल ओखेडा, अमर शर्मा देवराज भार, केशव बडाल, रामहिर खतिवडा लगायतले धारणा राखेका थिए ।
यस्तै आजको बैठकले संसद नियमावली, २०७३ को नियम १७७ बमोजिम विभिन्न समितिहरुमा १९ जना सदस्यहरुको नाम थप गरेको छ ।
यसैबीच व्यवस्थापिका संसदको बैठक भदौ १२ गते ११ बजेसम्मका लागि स्थगित गरिएको छ । नयाँ सरकार गठन भए पनि सरकारले अझै पूर्णता नपाउँदा यस्को प्रत्यक्ष असर व्यवस्थापिका संसदमा पनि देखिएको छ ।
प्रमुख सत्ता साझेदार दल नेपाली कांग्रेसले आन्तरिक विवाद तथा भर्खरै सम्पन्न नेपाल विद्यार्थी संघको निर्वाचनका कारण सरकारमा पठाउने बाँकी मन्त्रिहरुको चयन गर्न सकेको छैन ।
सरकारले पूर्णता नपाए पछि सरकारले व्यवस्थापिका संसदलाई पनि खासै विजनेश उपलब्ध गराउन नसक्दा संसद विजनेश बिहीन बनेको हो ।
