जनकपुरधाम, भदौ ५ ।
नेकपा क्रान्तिकारी माओवादीका अध्यक्ष मोहन वैद्यले मधेसवादी दलहरु मधेसको हितभन्दा पनि संसद्को मोहमा फसेको आरोप लगाउनु भएको छ ।
जनकपुरमा आज आयोजित पत्रकार सम्मेलनमा बोल्दै वैद्यले संसदीय मोहकै कारण आन्दोलनलाई गन्तव्यमा पु¥याउन नसकेको टिप्पडि गर्नुभयो । जनतालाई हरेकपल्ट दलहरूले धोका दिने गरेकोले सजग रहन जरुरी रहेको पनि उहाको भनाई छ ।
संबिधान संशोधन र पुनर्लेखनले वर्गीय र मधेसीको हित हुन नसक्ने धारणा राख्दै अध्यक्ष वैद्यले संविधानमा आमूल परिवर्तनको खाँचो औँल्याउनु भएको छ ।
फरक प्रशङगमा उहाले आफ्नो सहयात्री पुष्पकमल दाहाल प्रचण्डसँग पुनः सहयात्राको सम्भावना नरहेको बताउनु भयो । जनताको हितको दृष्टिले वर्तमान सरकारको सफलताको कसी प्रष्ट नभएको भन्दै उहाले प्रचण्ड असफल बन्ने तर्क गर्नुभयो ।
वैद्यले आफ्नो दल देशमा नयाँ आन्दोलनको तयारीमा लागिपरेको प्रष्ट्याउनु भयो ।
