४ भदौ, काठमाडौं । प्रधानमन्त्री पुष्पकमल दाहालको विशेष दूतका रुपमा चीन जानुभएका उपप्रधान एवं अर्थमन्त्री कृष्णबहादुर महरा आज स्वदेश फर्कनुभएको छ ।
आज मध्यान्ह १२ बजेपछि काठमाण्डौ आईपुग्नु भएका महराले त्रिभुवन अन्तराष्ट्रिय विमानस्थलमा सञ्चारकर्मीहरुसँग कुरा गर्दे चिनियाँ राष्ट्रपतिको नेपाल भ्रमणबारे सकारात्मक सन्देश पाएको बताउनु भयो ।
आफ्नो चीन भ्रमण फलदायी र उत्साहपूर्ण रहेको भन्दै उपप्रधानमन्त्री महराले ‘चिनियाँ राष्टपतिको भ्रमणबारे सकारात्कम सन्देश पाएका धारणा राख्नुभयो ।
उहाले भन्नुभयो, ‘चिनियाँ प्रधानमन्त्री लीसँगको भेटमा भ्रमणबारे सकारात्म कुराकानी भयो, दुई देशका परराष्ट्र मन्त्रालय निरन्तर सम्पर्कमा रहने कुरा भएको छ ।’
राष्ट्रपतिको भ्रमण कहिले हुने भयो त भन्ने सञ्चारकर्मीहरुको प्रश्नमा महराले मिति भने तय भइनसकेको बताउनु भयो । यसबारे चिनियाँ उच्च नेताहरुको छलफलपछि मात्रै निर्णय हुने महराले भनाई छ ।
