काठमान्डौ,भदौ४।
प्रधानमन्त्री पुष्पकमल दाहाल प्रचण्डका विशेष दूतका रूपमा भारत भ्रमणमा रहनु भएका उपप्रधान तथा गृहमन्त्री विमलेन्द्र निधिल आज पनि राजनितिक भेटवार्ता जारी राख्नुभएके छ ।
उहाले आज भारतीय प्रधानमन्त्री नरेन्द्र मोदीसँग भेटवार्ता गर्नुभएको छ । उपप्रधानमन्त्री निधिले आज बिहान सेभेन रेसकोस्मा रहेको प्रधानमन्त्री मोदीको निवास पुगेर उहासँग भेटवार्ता गर्नुभएको हो ।
निधिले संविधान संशोधनमा भइरहेको प्रयास, संविधान कार्यान्वयनमा भारतको सहयोग लगायतका विषयमा मोदीसग छलफल गर्नुभएको थियो ।साथै निधिले संविधान संसोधन गर्न भइरहेको प्रयास र मधेस आन्दोलनलाई
सरकारले संबोधन गर्न सुरु गरेको बारेमा मोदीलाई जानकारी गराउनुभएको छ ।
नीधिले मोदीको रोकिएको जनकपुर, मुक्तिनाथ र लुम्बिनी भ्रमण गर्न समेत आग्रह गर्नुभएको थियो । ०७१ मंसीर पहिलो साता मोदी स्थलमार्ग हुँदै झारखण्डबाट जनकपुर आउने कार्यक्रम नेपालको आन्तरिक राजनीतिक खिचतानीले रोकिएको थियो ।
यस अघि उपप्रधानमन्त्री नीधिले हिजो भारतीय राष्ट्रपति प्रणव मुखर्जी, समकक्षी राजनाथ सिंह र विदेशमन्त्री सुष्मा स्वराज सँग भेटवार्ता गर्नु भएको थियो ।
