काठमान्डौ,भदौ ४। प्रधानमन्त्री पुष्पकमल दाहाल प्रचण्डका विशेष दूतका रूपमा भारत भ्रमणमा रहनु भएका उपप्रधान तथा गृहमन्त्री विमलेन्द्र निधिले आज भारतीय प्रधानमन्त्री नरेन्द्र मोदीसँग भेटवार्ता गर्दै हुनुहुन्छ ।
उपप्रधानमन्त्री निधिले प्रधानमन्त्री मोदीको निवास सेभेन रेसकोस्मा विहान ११ बजे भेटघाट गर्ने कार्यक्रम तय भएको बताइएको छ ।
निधिले संविधान संशोधनमा भइरहेको प्रयास, संविधान कार्यान्वयनमा भारतको सहयोग लगायतका विषयमा मोदीसग छलफल गर्नु हुनेछ ।
नीधिले मोदीको रोकिएको जनकपुर, मुक्तिनाथ र लुम्बिनी भ्रमण गर्न आग्रह गर्ने तयारी गर्नु भएको छ । यसबारे नीधिले विदेशमन्त्री सुष्मा स्वराजलाई पनि जानकारी गराउनु भएको स्रोत बताएको छ ।
यस अघि उपप्रधानमन्त्री नीधिले हिजो भारतीय राष्ट्रपति प्रणव मुखर्जी, समकक्षी राजनाथ सिंह र विदेशमन्त्री सुष्मा स्वराज सँग भेटवार्ता गर्नु भएको थियो ।
