काठमाडौ ३१ साउन ।
उपप्रधान तथा अर्थमन्त्री कृष्णबहादुर महरा आज उत्तरी छिमेकी मुलक चीन जाँदै हुनुहुन्छ । सरकारको विषेश दुतका रुपमा उहाँ आज बिहान ११ बजे राजधानी बेइजिङ प्रस्थान गर्ने कार्यक्रम रहेको छ ।
भ्रमणका क्रममा उहाँले राष्ट्रपति सि जिन पीङ, प्रधानमन्त्री लि खछ्याङ लगायतका चिनीयाँ उच्च अधिकारीसँग भेटवर्ता गर्ने कार्यक्रम रहेको छ ।
सो क्रममा राष्ट्रपति सि जिन पिङको नेपाल भ्रमण, दुई पक्षीय हित र सम्बन्ध सुधारका विषयमा छलफल हुने परराष्ट्र मन्त्रालयले जनाएको छ ।
राष्ट्रपति विद्यादेवी भण्डारीले आफ्ना चिनीयाँ समकक्षी सि लाई नेपाल भ्रमणका लागि पठाउनु भएको निमन्त्रणा पत्र विशेष दुत महराले चीन सरकारलाई हस्तान्तरण गर्नुहुने बताइएको छ ।
उपप्रधानमन्त्री महराको साथमा परराष्ट्र मन्त्रालयका सहसचिव झविन्द्र अर्याल पनि चीन जानु हुनेछ । उहाँ आगामी भदौ ३ गते स्वदेश फर्किने कार्यक्रम छ ।
