काठमाडौं ,२९ साउन ।
पूर्वप्रधानमन्त्री एवम् प्रमुख प्रतिपक्षी नेकपा एमालेका अध्यक्ष केपी शर्मा ओलीले संविधान कार्यान्वयन हुन नदिने चलखेल बढेकाले त्यसका बिरुद्ध लड्न तयारी अवस्थामा बस्न कार्यकर्तालाई निर्देशन दिनुभएको छ ।
पार्टी स्कुल विभागले शनिबार कठमाडौंमा गरेको कार्यक्रममा बोल्दै ओलीले आफ्नो सरकारले संविधान कार्यान्वयन गर्ने कार्यतालिका बनाएपछि अतालिएर काग्रेस माओवादी केन्द्रले सरकार ढालेको आरोप समेत लगाउनु भयो ।
उहाले भन्नुभयो , कांग्रेस र माओवादीले संविधान कार्यान्वयन नगर्ने संगठित योजना अनुसार आफ्नो सरकार ढालेको हुन् , त्यसका बिरुद्ध अब एमालेले भिषण आन्दोलन गर्छ ।
सो आन्दोलनका लागी तयारी अवस्थामा रहन कार्यकर्तालाई निर्देशन दिदै उहाले संविधान कार्यान्वयन नगर्ने षड्यन्त्रविरुद्ध पार्टीका सबै संयन्त्र परिचालन गरिने बताउनु भयो ।
२०७४ माघ अघि धेरै काम गर्नु पर्ने भन्दै उहाले निर्वाचन एमालेको चाहना भएको धारणा राख्नुभयो ।
सरकार परिवर्तन गरेर मुलुकको राजनीतिलाई कुबाटोमा धकेलेको भन्दै उहाले राजनीतिलाई सही बाटोमा ल्याउन दवाब सिर्जना गर्न आवश्यक रहेको बताउनु भयो ।
पार्टी्भित्रको विवादतर्फ संकेत गर्दै एमाले अध्यक्ष ओलीले अनुचित कुरामा संगठन र व्यक्ति अल्झिन नहुनेमा पनि जोड दिनुभयो ।
