काठमाडौ ,२९ साउन ।
नेपाली कांग्रेसको भातृ संगठन नेवि संघको विवाद अझै मिल्न सकेको छैन । माउ पार्टी काग्रेसका शिर्ष नेताहरुले बिबाद मिलाएको दाबी गरेपनि पदीय भागबण्डा नमिल्दा निर्वाचन प्रक्रिया नै अन्योलमा परेको छ ।
नेविसंघले महाधिवेशनमा सहभागी प्रतिनिधिको अन्तिम नामावली समेत अझै प्रकाशन गर्न सकेको छैन । आज बिहान अन्तिम नामावली प्रकाशन गर्ने भनिएपनि अहिलेसम्म सार्वजनिक गर्न सकेको छैन ।
नामावलीमा समेत हिजो भागबण्डाका आधारमा मिलाएपनि राति प्रकाशनको तयारी करिएको तर आन्तरीक कारणले नै प्रकाशन भने गर्न नसकिएको प्रवत्ता युपि लामिछानेले बताउनु भयो ।
सम्भव भएसम्म आजै प्रकासन हुने र भोली मात्रै मनोनय दर्ता गरिने उहाले बताउनु भयो । विवादका कारण निर्धारित समय भन्दा पर धकिलिएको महाधिवेशनमा बन्दसत्र बिना नै उमेदवार मनोनयन गर्ने नेविसंघको तयारी छ ।
नेतृत्व चयनका लागि मतदान भने पर्सिमात्रै गर्नेगरी कार्यतालिका तय गरिएको बताईएको छ ।
महाधिवेशन सुरु भएको एक साता हुन लाग्दा समेत बन्द सत्र सुरु नभएपछि देशभरबाट आएका प्रतिनिधिहरु आक्रोशित भएका थिए ।
