काठमाडौ, २९ साउन ।
नेपाली कांग्रेसको भातृ संगठन नेवि संघको विवादास्पद महाधिवेशनमा आज नयाँ नेतृत्व चयनका लागि उम्मेदवार मनोनयन दर्ता हुदैछ ।
प्रतिनिधि विवादका कारण निर्धारित समय भन्दा पर धकिलिएको महाधिवेशनमा बन्दसत्र बिना नै उमेदवार मनोनयन हुन लागेको हो ।
गत आइतबार उद्घाटन लगत्तै अधिवेशन बिना नै भागबन्डाका आधारमा प्रतिनिधि बनाइएका ११ जिल्लाको विवाद मिलाउन नसकेपछि बन्दसत्र सुचारु हुन सकेको थिएन ।
प्रतिनिधिको सूची निर्वाचन समितिलाई दिन ढिलाई भएका कारण बन्द सत्र सुरु हुन नसकेको विवाद समाधानका लागि गठित निर्देशन समितिका संयोजक प्रकाश शरण महतले जानकारी दिनुभयो ।
सकितिले असन्तुष्ट कृष्णाप्रसाद सिटौला पक्षलाई २ सय १५ र महेन्द्र शर्मा पक्षलाई १ सय १० प्रतिनिधि दिने समझदारी गरेको छ ।
दलका शिर्ष नेताले प्रतिनिधि विवाद मिलाएसँगै आज मतदाताको अन्तिम नामवली प्रकाशन तथा मनोनयन र भोली नेतृत्व चयनका लागि मतदान गर्नेगरी कार्यतालिका तय गरिएको महतले बताउनु भयो ।
महाधिवेशन सुरु भएको ४ दिन बिचिसक्दा पनि बन्द सत्र सुरु नभएपछि देभरबाट आएका प्रतिनिधिहरु आक्रोशित भएका थिए ।
