सोनु कुमार सुनार
कपिलवस्तु साउन २८ । १७ औँ अन्तरराष्ट्रिय युवा दिवस आज कपिलवस्तुमा पनी मनाइएको छ । जिल्ला युवा समितीे कपिलवस्तुको आयोजनामा “गरिवी उन्मुलनमा युवा प्रतिबद्धता , उत्पादन र उपभोगमा आत्मनिर्भरता भन्ने नारा सहित “परिचयात्मक तथा अन्तरक्रिया ”कार्यक्रम गर्दै सदरमुकाम तौलीहवामा उक्त दिवस मनाइएको हो ।
कार्यक्रममा प्रमुख अतिथीको आशन बाट बोल्दै एमाले सांसद विश्राम प्रसाद चौधरी ले नयाँ संविधानले युवाहरुको मागलाई उचित संबोधन गरेको र त्यसको कार्यान्वयन गर्न केन्द्रमा राष्ट्रिय युवा परिषद र जिल्लाहरुमा युवा समिती, युवा तथा खेलकुद विकास मन्त्रालय अन्तरगत गठन गरीएको बताउनु भयो ।
देशविकास को खम्बाको रुपमा रहेका युवाशक्ति दिन प्रतिदिन विदेशीनु दुखद कुरा रहेको जिकीर गर्दै उँहाले आफु सभाषद रहेको हैसियतले कपिलवस्तु जिल्लाको विकास र युवाको विकासको लागी उल्येख्य बजेट सरकारमार्फत ल्याउन भुमिका निभाएको दावी गर्नु भयो ।
कार्यक्रममा युवा तथा खेलकुद विकास मन्त्रालय अन्तरगत जिल्ला मा गठन गरिएको युवा समिती को बारेमा युवा समिती कपिलवस्तुका अध्यक्ष टुकलाल गैरेले जानकारी गराउनु भएको थियो भने उपस्थित माझ परिचयात्मक कार्य गरिएको थियो ।
अन्तरक्रियामा विभिन्न पार्टी प्रतिनिधी र युवा तथा विद्यार्थी संगठनका प्रतिनिधीहरुले धारणा राखेका थिए । एमाले सरकार ले देशभरका जिल्ला युवा समितीहरुमा एकलौटी राजनितीक नियुक्ती मार्फत संयोजक तोकेको भन्दै संघिय समाजबादी लगायत मधेश केन्द्रित पार्टी निकट युवा संगठनहरुले भने कार्यक्रम बहिस्कार गरेका थिए ,त्यस्तै नयाँ शक्ति नेपाल निकट राष्ट्रिय युवा अभियान ले पनि असन्तुष्टी जनाएको बताइएको छ ।
जिल्ला युवा समिती अध्यक्ष टुकलाल गैरेको अध्यक्षता रहेको कार्यक्रमको संचालन जिल्ला खेलकुद विकास समिती कपिलवस्तुका कार्यालय सचिव मिन प्रसाद पोख्रेल ले गर्नु भएको थियो ।
