२८ साउन, काठमाडौं ।
नेकपा एमालेले अब प्रदेश कमिटी गठन गरी अन्चल कमिटीहरु विघटन गर्ने भएको छ ।
पार्टी महाधिवेशन भएको २ वर्षसम्म पनि अन्चल समन्वय कमिटी गठन गर्न नसकेको एमालेले प्रदेश कमिटीका अध्यक्ष वा संयोजक तोक्ने तयारी गरेको हो ।
भोली बस्ने स्थायी कमिटी बैठकबाट एमालेले प्रदेश कमिटीका अध्यक्ष वा संयोजक तोक्ने तयारी गरेपनि प्रदेश कमिटीको नेतृत्व कसले गर्ने भन्ने विवाद टुंगो लागेको छैन ।
सो बिषयमा भोली नै छलफल गरि टुङगोमा पुगिने नेताहरुले बताएका छन् ।
स्थायी कमिटी सदस्यले प्रदेश प्रमुख बन्ने अवस्थामा सुवास नेम्वाङ, सत्यनारायण मण्डल, सुरेन्द्र पाण्डे, किरण गुरुङ, छविलाल विश्वकर्मा, शंकर पोखरेल र मुकुन्द न्यौपानेलाई जिम्मेवारी दिने अनौपचारिक प्रस्ताव छ
प्रदेश कमिटीको प्रमुख बन्न पार्टीका उपाध्यक्षहरुले रुची देखाएका छन् । उनीहरुले पदाधिकारीले नेतृत्व गर्नुपर्ने दाबी गरेका कारण प्रदेश कमिटी गठन हुन नसकेको एमाले स्रोतले जनाएको छ ।
तर, पदाधिकारी भन्दा स्थायी कमिटी सदस्यबाट प्रदेश प्रमुख बनाउन नेतृत्वमाथि दबाव छ । यसअघि ५ विकास क्षेत्रमा पार्टी कामको संयोजन गर्न एमालेले ५ उपाध्यक्षलाई खटाएको थियो ।
