काठमाडौ २८ साउन ।
सत्ता नेतृत्वकर्ता दल नेकपा माओवादी केन्द्रले स्थानिय निकाय पुनसंरचनामा दलीय सहमति जुटाउन अधिकतम पहल गर्ने निर्णय गरेको छ । पुनर्संरचनाको बिषयलाई लिएर केही जिल्लामा बिरोध तथा प्रदर्शन सुरु भएपछि माओवादी केन्द्रले सहमतिका लागि पहल गर्ने निर्णय गरेको हो ।
लाजिम्पाटस्थित प्रधानमन्त्री एवम् पार्टी अध्यक्ष पुष्पकमल दाहालको निवासमा आज बसेको पार्टी हेडक्वार्टर बैठकले पुनरसंरचनाबारे दलहरुबीच छलफल सुरु गर्ने निर्णय गरेको माओवादी केन्द्रका नेता अग्नी सापकोटाले जानकारी दिनुभयो ।
बैठकमा सहभागी नेताहरुले स्थानिय निकाय पुनरसंरचनाबारे पार्टीको आधिकारिक धारणा समेत तय नभएको भन्दै असन्तुष्टि जनाएका थिए ।
स्थानीय निकाय पुनरसंरचनाबारे पार्टीको आधिकारिक धारणा नहुँदा गाउँ तहसम्म अन्योलता बढेको भन्दै केही दिनभित्रै सो बारे ठोस निर्णय गर्न नेतृत्वको ध्यानाकर्षण गराएका थिए ।
