काठमाडौं२७साउन।
छिमेकी मुलुकसँगको सम्बन्ध सुधारका लागी सरकारले दुई उपप्रधानमन्त्रीलाई चीन र भारत पठाउने निर्णय गरेको छ ।
आज बसेको मन्त्रिपरिषद बैठकले पछिल्लो राजनीतिक परिस्थितिबारे जानकारी गराउन उपप्रधानमन्त्री द्धय विमलेन्द्र निधि र कृष्ण बहादुर महरालाई भारत र चीन पठाउने निर्णय गरेको हो ।
उपप्रधानमन्त्री निधिलाई भारत र महरालाई चीनमा पठाउने निर्णय गरे तापनि कहिले पठाउने भन्नेबारे भने उल्लेख गरिएको छैन । बैठकपछि उपप्रधानमन्त्री एवम् सरकारका प्रवक्ता महराले छिट्टै भारत र चीन जाने बताउनु भएको छ ।
यसैगरी सरकारले कालोबजारी नियन्त्रण गर्न गृह, वाणिज्य र आपूर्ति मन्त्रालयलाई निर्देशन पनि दिएको छ । कालोबजारी नियन्त्रण गर्न कानुनहरु अभाव भएको भए वा कारवाही सम्बन्धी व्यवस्था खुकुलो भए संशोधन गर्न कानुन मन्त्रालयलाई पनि मन्त्रिपरिषद बैठकले निर्देशन दिएको छ ।
