काठमाडौं, साउन २४।
नौ वर्ष पछि सुरु भएको नेविसंघको ११ औं महाधिवेशन अन्तर्गतको बन्दसत्र आजबाट सुरु हुदै छ । महाधिवेशनको बन्द सत्र हिजो देखि नै हुने भनिए पनि प्रतिनीधि छनोटमा देखिएको विवाद सुल्झन नसक्दा आजबाट हुन लागेको हो ।
११ जिल्लामा देखिएको प्रतिनिधि विवाद पार्टीका नेतृत्वहरुले मिलाई सके पछि दिउसो २ बजे बाट बन्द सत्र सुरु हुने नेविसंघका प्रवक्ता युपी लामिछानेले जानकारी दिनुभयो ।
कांग्रेस सभापति शेरबहादुर देउवा, नेता रामचन्द्र पौडेल, कृष्णप्रसाद सिटौला र खुमबहादुर खड्काले आफू नजिकका विद्यार्थी नेतालाई अध्यक्ष उठाउने तयारीमा जुटेको प्रवक्ता लामिछानेले जानकारी दिनु भएको छ ।
देउवा पक्षबाट नैनसिंह महर र जितजंग बस्नेत, पौडेल पक्षबाट क्षितिज भण्डारी, मनोजमणि आचार्य, नीलकण्ठ रिजाल, आनन्द त्रिपाठी र दीपक भट्टराई, सिटौला पक्षबाट कुन्दन काफ्ले र खड्का पक्षबाट शुभराम बस्नेत अध्यक्षमा उठ्ने चर्चा छ ।
उम्मेदवारी दिने बेलासम्म देउवा पक्षले खड्का र सिटौला पक्षधरलाई मिलाएर आफ्नो तर्फबाट एक मात्र उम्मेदवारी दिने तयारी गरेको छ ।
