काठमाण्डौ, २४ साउन । सेयर बजारमा आज उच्च गिरावट आएपछि कारोवारको समय अवधि भन्दा डेढ घण्टा अगावै बन्द गरिएको छ । ८८.८१ अंकले बजार घटेपछि नियन्त्रण गर्न सर्किट ब्रेक लगाएर कारोबार नै स्थगित गरिएको छ । नेप्से १ बजेर २९ मिनेटमै बन्द भएको छ ।
बजार खुलेपछि केही क्षण हरियो भएको बजार निरन्तर ओरालो लागेको थियो । अप्रत्याशित शैलीमा बजार तल गिरेपछि लगानीकर्ताहरु निरास भएका छन् । नेप्से आज १६७५ को विन्दुमा आइपुगेको छ । कारोबार पनि अरु दिन भन्दा कम भएको छ ।
अर्बभन्दा बढी कारोबार हुँदै आएकोमा आज जम्मा ८७ करोडको कारोबार भएको छ ।
यसैविच सेयर बजार नियमाक निकाय धितोपत्र बोर्डले पुँजी बजारका लागानीकर्ता हतोत्साहित हुने अवस्था नरहेको बताएको छ ।
सेयर बजारमा उच्च गिरावट आएर सर्किट ब्रेक लगाउनुपरेपछि बोर्डले वक्तव्य जारी गरेर बजार सकारात्मक दिशामा अगाडि बढेको बताएको हो ।
नेप्सेलाई बजारको सिद्धान्तअनुसार नै चल्न दिनुपर्नछ भन्नेमा बोर्ड प्रतिवद्ध रहेको बताइएको छ।
