नुववाकोट, २४ साउन ।
गोर्खाबाट काठमाडौंका लागी उडेको फिस्टेल एयरको हेलिकप्टर दुर्घटना हुदा एकै परिवारका ६ जना सहित त्यसमा सवार सबै ७ जनाको मृत्यु भएको छ ।
नुवाकोटको मदानपुर–९ पाखुरेस्थित बेतिनिको जंगलमा हेलिकोप्टर दुर्घटना हुँदा सबैको मृत्यु भएको नुवाकोटको प्रमुख जिल्ला अधिकारी विष्णुप्रसाद पोखरेलले जानकारी दिनुभयो ।
ककनीबाट पुगेको प्रहरी टोलीले दिएको जानकारी अनुसार शव यत्रतत्र छरिएको अवस्थामा रहेको पोखरेलको भनाई छ । गोर्खाको सिर्दिवास ८ फिलिमबाट साढे ११ बजेतिर उडेको नाइनएन एकेए साइन भएको हेलिकप्टर सवा १२ बजेपछि नुवाकोटको आकासबाट सम्पर्क विहिन भएको थियो ।
गोरखाका प्रमुख जिल्ला अधिकारी नारायणप्रसाद भट्टका अनुसार हेलिकप्टरमा पाईलट रञ्जन लिम्बु, सिर्दिबास २ का ६० बर्षीय जितमान गुरुङ, ५६ बर्षीय अन्जनी गुरुङ, १९ बर्षीया प्रिति गुरुङ, लक्ष्मी गुरुङ, इटहरीकी निशा तामाङ र ५ दिनका शिशु सवार थिए । पाईलट तामाङ वाहेक अरु सबै यात्रु एकै परिवारका हुन् ।
