२२ साउन काठमाडौं । नेकपा माओवादीका पोलिटब्युरो सदस्य सन्तोष बुढाले अबको क्रान्ति प्रचण्डले थाहा नपाउने विधिबाट हुने दावी गर्नु भएको छ ।
शनिबार राजधानीको संवाद डबलीमा अखिल नेपाल जनसाँस्कृतिक महासंघले ‘कवितामा राष्ट्रियताका स्वरहरु’ विषयक कवि गोष्ठीमा बोल्दै बुढाले सो धारणा व्यक्त गर्नु भएको हो ।
बुढाले अहिले माओवादी पार्टीलाई फेरि जनयुद्धको बाटोमा जाने भयो, हतियार उठाउन पुरानै बाटोमा लग्दैछ भनेर गरिरहेको प्रचार झुठो भएको जिकिर गर्नु भयो ।
प्रचण्ड जनयुद्धको नायक भए पनि अब उनी प्रतिकृयावादी कित्तामा पुगेकाले उनीबाट नेपालमा आन्दोलन अघि बढ्न नसक्ने बुढाको तर्क छ ।
जनयुद्धको विकासमा लाग्नुको साटो व्यक्तिगत स्वार्थमा लाग्दा प्रचण्ड–बाबुराम बुजुर्वाको क्याम्पा छिरेको उहाको भनाई थियो ।
कार्यक्रममा वरिष्ठ प्रगतिवादी कवि पूर्ण बिराम, सरला रेग्मी, अमृता स्मृति, चिरन पुन, निभा शाह, अशोक कुँवर ‘नेत्र’, लगायतकाले कविता बाचन गरेका थिए ।
