काठमान्डौ, २१ साउन । सरकारले मधेसी मोर्चासंग भएको ३ बुँदे सहमतिमा उल्लेखित बिषयलाई तत्काल कार्यान्वयनमा लैजाने निर्णय गरेको छ ।
मन्त्रिपरीषद गठन भएको एक दिनपछि बसेको मन्त्रिीपरीषद बैठकले तराई मधेश आन्दोलनका क्रममा मृत्यु भएकाको परिवारलाई १० लाख रुपैंया दिने निर्णय गरेको हो ।
संघीय गठबन्धनसंग भएको तीन बुंदे सहमति कार्यान्वयनको प्रक्रिया सुरु गर्दै सरकारले पहिलो चरणमा मृतक परिवारलाई राहत स्वरुप १० लाख रुपैंया दिने निर्णय गरेको उपप्रधान तथा अर्थमन्त्री कृष्णबहादुर महराले जानकारी दिनुभयो ।
बैठकमा मधेस आन्दोलनका मृतकलाई सहिद घोषणा गर्ने, मृतकका परिवारलाई क्षतिपूर्ति दिने ,आन्दोलनका क्रममा पक्राउ परेकाको मुद्दा फिर्ता लिने र घाइतेको उपचार खर्च सरकारले व्यहोर्ने सहमति भएको मोर्चाका नेता लक्ष्मणलाल कर्णले बताउनुभयो ।
यस्तै मधेस आन्दोलनका बेला भएको घटनाको छानविन गर्न सर्वोच्च अदालतका पूर्व न्यायाधिसको संयोजकत्वमा छानविन समिति गठन गर्ने सहमति भएको कर्णले बताउनु भयो ।
