काठमाण्डौ ,२० साउन ।
नेपाली काग्रेसबाट पहिलो चरणमा विमलेन्द्र निधीको नेतृत्वमा तीन जना सरकारमा सहभागी हुने भएका छन् ।
सभापति शेरवहादुर देउवाले निधिको नेतृत्वमा सरकारमा जाने ३ जनाको नाम तय गर्नुभएको हो । निधिले उपप्रधान र गृह मन्त्रालयको जिम्मेवारी सम्हाल्नुहुनेछ ।
यस्तै मन्त्री बन्ने अन्य नेतामा अर्जुननरसिंह केसीले रक्षा र रमेश लेखकले भौतिक योजना तथा यातायात मन्त्रालय सम्हाल्ने तय भएको सभापति देउवा निकट स्रोतले जनाएको छ ।
शेखर कोइराला परराष्ट्र मन्त्रालय सहित सरकारमा जाने बताइएपनि अझै टुङ्गो लाग्न नसकेको बताइएको छ ।
नवनिर्वाचित प्रधानमन्त्री पुष्पकमल दाहालसंग आज छलफल गरेपछि र कांग्रेस सभापति देउवाले पार्टीबाट मन्त्री बन्नेको नाम तय गर्नुभएको हो । दुइबीच प्रधानमन्त्रीको सपथसंगै सानो आकारको मन्त्रीमण्डल गठन गरेर अघि बढने तथा टुङ्गो लाग्न नसकेका मन्त्रालयमा छलफल गर्दै जाने सहमति भएको छ ।
