काठमाडौ १९ साउन ।
सरकारले विभिन्न मुलुकका लागि सिफारिस गरेका बाँकी राजदुतको सुनुवाई आज हुदैछ । संसदीय सुनुवाई विषेश समितिको केहिबेरपछि बस्ने बैठक आज थप तीन जना राजदुतको सिफारिस गर्ने तयारी गरेको छ ।
यसुअघि समितिले हिजो पाकिस्तानका लागि सेवा लम्साल अधिकारी, ब्राजिलका लागि ताराप्रसाद पोखरेल अस्ट्रियास्थित राष्ट्रसंघिय नियोगका स्थायी प्रतिनिधिमा प्रकाश सुवेदी र रुसी महासंघका लागि ऋषिकुमार अधिकारी गरी पाँच जनाको को सुनुवाई गरेको थियो ।
आजको बैठकले जर्मनीका लागि प्रस्तावित रमेश अनाल, इजिप्टका लागि प्रस्तावित झविन्द्र प्रसाद अर्याल र बेल्जियमका लागि प्रस्तावित लाकबहादुर थापाको सुनुवाई गर्ने तयारी गरेको छ ।
यद्यपी संसदमा हुने प्रधानमन्त्रीको निर्वाचनका कारण आजको सुनुवाई प्रक्रिया भने प्रभावित हुने सम्भावना रहेको समितिका एक सदस्यले जानकारी दिएका छन् ।
